Godfried van Bouillon

Godfried van Bouillon
Godfried van Bouillon (19e eeu), Louis Gallait, Senaat van België in die Paleis der Natie
Hertog van Neder-Lotaringe
Ampstermyn 1089 – 1100
Voorafgegaan deur	Koenraad van Neder-Lotaringe
Opgevolg deur	Hendrik I van Limburg
Voog van die Heilige Graf
Ampstermyn 22 Julie 1099 – 18 Julie 1100
Voorafgegaan deur	Nuwe titel
Opgevolg deur	Boudewyn I van Jerusalem
Graaf van Verdun
Ampstermyn 1086 – 1095
Voorafgegaan deur	Mathilde van Toskane
Opgevolg deur	Diederik I van Montbéliard
Ampstermyn 1076 – 1095
Voorafgegaan deur	Godfried III van Lotaringe
Persoonlike besonderhede

Godfried van Bouillon (Frans: Godefroy; Duits: Gottfried; Latyn: Godefridus Bullionensis) (Boulogne-sur-Mer of Baisy-Thy, 18 September 1060 – Jerusalem, 18 Julie 1100) was 'n Franse edelman^[1][2] en van 1087 tot sy dood (as Godfried IV) hertog van Neder-Lotaringe en een van die leiers van die Eerste Kruistog. Hy was die eerste heerser van die Koninkryk van Jerusalem (vanaf 1099 tot 1100), maar weier dié titel van Koning. In die plek hiervan verkies hy die titel van Voog of Verdediger van die Heilige Graf (in Latyn: Advocatus Sancti Sepulchri). Hy staan vandag algemeen bekend as die "Voog van die Heilige Graf" en "Koning van die Kruisvaarders".^[3]

Godfried se ouers was graaf Eustaas II van Boulogne en Ida van Verdun, suster van hertog Godfried III van Lotaringe (Godfried met die Bult), wat Godfried (van Bouillon) in 1076 benoem het as sy erfgenaam. Keiser Hendrik IV van die Heilige Romeinse Ryk het egter besluit om die hertogdom aan sy eie seun, Koenraad van Lotaringe te gee, en slegs Bouillon en die markgraafskap Antwerpen aan Godfried. In 1087 het Godfried uiteindelik tog die hertogdom bekom as beloning vir sy dienste in die Keiser se oorlog teen die Sakse en teen Pous Gregorius VII.

1. ↑ Riley-Smith 1998, p. 21.
2. ↑ Riley-Smith 1998, pp. 93–97.
3. ↑ Murray, Alan V. (2000). "Godfrey of Bouillon as Ruler of Jerusalem (1099–1100)". The Crusader Kingdom of Jerusalem: A Dynastic History 1099-1125. Occasional publications, vol. 4. Unit for Prosopographical Research, Linacre College (University of Oxford). pp. 70–77. ISBN 978-1-9009-3403-9.